Ваўкавыскі камбінат будаўніча-аздабляльных машынаў апошнім часам адчуў праблему з разьлікамі за сваю прадукцыю з боку расейскіх і ўкраінскіх партнэраў.
Больш за 50% прадукцыі прадпрыемства накіроўваецца на экспарт. Намесьнік дырэктара па ідэалёгіі Ліза Кавалевіч кажа, што затрымкі з разьлікамі за іх прадукцыю з боку замежных партнэраў сталі вельмі адчувальнымі, хаця камбінат пакуль не зьмяніў графіку працы:
“А вось што будзе пасьля Новага году — невядома. Мы накіравалі ў міністэрства ліст, што зьбіраемся пераходзіць на чатырохдзённы працоўны тыдзень”.
Намесьнік дырэктара Віктар Пачобут не хавае, што заробкі рабочых за апошні месяц зьнізіліся. Ён спрабуе атрымаць грошы ад украінскіх і расейскіх партнэраў і спадзяецца, што з Новага году прадпрыемства зможа працаваць поўны тыдзень:
“Мы цяпер ва ўмовах крызісу шукаем унутрыміністэрскую й унутрыабласную каапэрацыю з прадпрыемствамі міністэрства прамысловасьці, у якое таксама ўваходзім. У нас ужо ёсьць тры такія прадпрыемствы, зь якімі мы зможам у наступным годзе працаваць у межах каапэрацыі. І калі дамовы падпішам, то будзем працаваць. А ліст у міністэрства даслалі дзеля страхоўкі”.
Цяжкасьці з разьлікамі ад партнэраў з Украіны зьявіліся і ў ваўкавыскага заводу мэталавырабаў. Пра гэта нашаму радыё расказаў дырэктар прадпрыемства Валянцін Лісок:
“Цяпер стала цяжэй атрымліваць разьлікі з Украіны. Нешта ў іх там складана набыць даляры ў банках. Вось з гэтым у нас праблемы. Праўда, павінен сказаць, што пакуль яны не падводзяць, але разьлікі ідуць вельмі натужна”.
Больш за 50% прадукцыі прадпрыемства накіроўваецца на экспарт. Намесьнік дырэктара па ідэалёгіі Ліза Кавалевіч кажа, што затрымкі з разьлікамі за іх прадукцыю з боку замежных партнэраў сталі вельмі адчувальнымі, хаця камбінат пакуль не зьмяніў графіку працы:
“А вось што будзе пасьля Новага году — невядома. Мы накіравалі ў міністэрства ліст, што зьбіраемся пераходзіць на чатырохдзённы працоўны тыдзень”.
Намесьнік дырэктара Віктар Пачобут не хавае, што заробкі рабочых за апошні месяц зьнізіліся. Ён спрабуе атрымаць грошы ад украінскіх і расейскіх партнэраў і спадзяецца, што з Новага году прадпрыемства зможа працаваць поўны тыдзень:
“Мы цяпер ва ўмовах крызісу шукаем унутрыміністэрскую й унутрыабласную каапэрацыю з прадпрыемствамі міністэрства прамысловасьці, у якое таксама ўваходзім. У нас ужо ёсьць тры такія прадпрыемствы, зь якімі мы зможам у наступным годзе працаваць у межах каапэрацыі. І калі дамовы падпішам, то будзем працаваць. А ліст у міністэрства даслалі дзеля страхоўкі”.
Цяжкасьці з разьлікамі ад партнэраў з Украіны зьявіліся і ў ваўкавыскага заводу мэталавырабаў. Пра гэта нашаму радыё расказаў дырэктар прадпрыемства Валянцін Лісок:
“Цяпер стала цяжэй атрымліваць разьлікі з Украіны. Нешта ў іх там складана набыць даляры ў банках. Вось з гэтым у нас праблемы. Праўда, павінен сказаць, што пакуль яны не падводзяць, але разьлікі ідуць вельмі натужна”.