З 365 прэтэндэнтаў, якія падалі дакумэнты на рэгістрацыю, зарэгістравана 276 кандыдатаў у дэпутаты Палаты прадстаўнікоў.
Пра гэта сёньня на прэс-канфэрэнцыі ў Менску заявіла старшыня ЦВК Лідзія Ярмошына.
Паводле старшыні ЦВК, 84 прэтэндэнтам адмоўлена ў рэгістрацыі, што складае 23 адсоткі ад пададзеных заяваў. 5 кандыдатаў зьнялі свае кандыдатуры — сярод іх дзейныя дэпутаты палаты прадстаўнікоў, Касьцян, Красуцкі, Чурсін. Больш за ўсё на этапе рэгістрацыі кандыдатаў у дэпутаты пацярпелі партыі БНФ і ПКБ. У іх не зарэгістравана па 5 кандыдатур.
Табліца1. Кандыдаты ў дэпутаты Палаты прадстаўнікоў паводле партыйнай прыналежнасьці
На наступным тыдні пачнецца разгляд скаргаў. У ЦВК ужо пададзеныя дзевяць скаргаў на нерэгістрацыю кандыдатаў у дэпутаты, паведаміла Л.Ярмошына.
Як адзначыла старшыня ЦВК, колькасьць безальтэрнатыўных акругаў павялічылася. На сёлетніх выбарах заняць дэпутацкае крэсла хоча вельмі шмат судзьдзяў і адвакатаў, раней было больш сьледчых.