А.Лукашэнка прызнаў, што ніхто ў сьвеце «не зьвяртае ўвагі на пазыцыю Расеі і Беларусі» ў справе пашырэньня НАТО, што ўваход Украіны і Грузіі ў гэты блёк – гэта «пытаньне часу», што сытуацыя вакол Беларусі неспакойная.
«Нам трэба думаць аб умацаваньні нашых межаў, нашых Узброеных Сіл. Яны павінны быць у сталай баявой гатоўнасьці, адчуваць пульс не толькі краіны. Нашая армія – гэта адзінае, што сёньня ёсьць на захадзе ў Саюза Беларусі і Расеі, і мы зьвязаныя дамовай з Расеяй»,-- заявіў А. Лукашэнка на нарадзе ў справе баявой падрыхтоўкі Ўзброеных Сіл Беларусі.