Салігорскі суд арыштаваў на трое сутак актывіста дэмакратычнага руху Зьмітра Банька за ўдзел у несанкцыянаванай вулічнай акцыі.
2 сакавіка каля трох соцень гараджанаў выйшлі на плошчу, каб выказаць сваё стаўленьне да сацыяльнай палітыкі ўладаў. Спэцназаўцы міліцыі разагналі акцыю.
Больш за дзясятак чалавек затрымала міліцыя. Непаўналетніх, пасьля складаньня пратаколаў, адпусьцілі.
Суд пачаў разгляд адміністрацыйнай справы прадпрымальніка Ўладзімера Шылы.
