Раніцай 26 чэрвеня жыхары вёскі Дзяржынск Лельчыцкага раёну знайшлі ў рацэ Сьцьвіга целы двух юнакоў 2000-га года нараджэньня і маладога чалавека, які быў іх на 2 гады старэйшы. Два з патанулых – браты.
Меркаваная прычына сьмерці ўсіх трох ахвяраў – патапленьне. Дакладныя прычыны высьвятляюцца, паведамілі ў МНС краіны.
Яшчэ адна трагедыя на вадзе адбылася ў Шклоўскім раёне 24 чэрвеня. У вадаёме каля вёскі Старасельле патануў 17-ці гадовы хлопец.
Адмыслоўцы з Добраахвотнага таварыства выратаваньня на водах зьвязваюць трагедыі з масавым купаньнем людзей у сьпёку і нагадваюць пра правілы бясьпекі на вадзе, асабліва пра небясьпеку купаньня ў нецьвярозым стане.
