Ужо сёньня: Дзень памяці Ўладзімера Дамашэвіча

Дзень у гісторыі

1789 - У Нью-Ёрку, тагачаснай сталіцы ЗША, Джордж Вашынгтон абраны першым прэзыдэнтам ЗША.

1961 — у Менску адбылося вясельле Марыны Прусаковай і Лі Гарві Освальда, які праз два гады будзе абвінавачаны ў забойстве прэзыдэнта Кенэдзі.

1975 — скончылася вайна ў Віетнаме. У Віетнаме гэты дзень — дзяржаўнае сьвята, дзень Перамогі. У ЗША 30 красавіка адзначаецца дзень вэтэранаў віетнамскай вайны.

1992 — у Жэнэве было абвешчана, што тэхналёгія сусьветнага павуціньня, або World Wide Web, цяпер больш вядомая як інтэрнэт, будзе для ўсіх бясплатнай.

1997 — адбыўся першы замах на таджыцкага прэзыдэнта Эмамалі Рахмона. У часе, калі ён прыехаў у Хаджэнт на сьвяткаваньне юбілею мясцовага ўнівэрсытэту, у яго кінулі гранату. Рахмон быў лёгка паранены ў нагу, ахова адкрыла агонь па людзях, былі забітыя і параненыя.

У гэты дзень нарадзіліся:

1881 — паэт Янка Журба.

1883 — чэскі пісьменьнік Яраслаў Гашак, аўтар прыгодаў удалага ваякі Швэйка.

1916 — Клод Шэнан, амэрыканскі матэматык і інжынэр, стваральнік тэорыі інфармацыі

У гэты дзень памерлі:

1945 — калі пачаўся штурм Райхстагу, скончыў жыцьцё самагубствам Адольф Гітлер.

2011 — памёр аргентынскі пісьменьнік Эрнэста Сабата.

2001 — пісьменьнік Уладзімер Дамашэвіч.

ГЛЯДЗІЦЕ ТАКСАМА:

Мацак ад Дамашэвіча, або Нацыяналіст у кубе

2001 — у сваёй кватэры быў забіты Алесь Каралёў, інжынэр, удзельнік нацыянальна-дэмакратычнага руху 1980-х — пач. ХХІ ст.