Сын былога супрацоўніка НКВД Аляксея Міцюшова зьвярнуўся ў паліцыю з просьбай абараніць рэпутацыю ягонага бацькі.
Гэта здарылася пасьля таго, як бацька быў названы забойцам на сайце гісторыка-аматара Дзяніса Карагодзіна, які аднаўляе архіўныя зьвесткі пра рэпрэсіі ў адносінах да свайго прадзеда. Подпіс Аляксея Міцюшова стаіць на акце расстрэлу Карагодзіна-старэйшага.
У сваім звароце ў паліцыю сын супрацоўніка НКВД Аляксей Аляксеевіч Міцюшоў заявіў, што на сайце Карагодзіна разьмешчаны недакладныя зьвесткі пра яго бацьку, якія «дыскрэдытуюць яго імя». Пра гэта гаворыцца ў матэрыялах Новасібірскага МУС, апублікаваных Карагодзіным. Гісторык у сваю чаргу спасылаецца на паказаныя яму матэрыялы з архіваў ФСБ.
Селянін Сьцяпан Карагодзін быў арыштаваны 1 сьнежня 1937 году супрацоўнікамі Томскага гарадзкога аддзелу НКВД, асуджаны Асобай нарадай як «арганізатар шпіёнска-дывэрсійнай групы і рэзыдэнт японскай вайсковай выведкі» і асуджаны на расстрэл. Пазьней яго рэабілітавалі праз адсутнасьць складу злачынства.
Ягоны праўнук вызначае ўвесь ланцужок арганізатараў і выканаўцаў расстрэлу, уключаючы шараговых супрацоўнікаў НКВД, называючы іх удзельнікамі забойства свайго прадзеда. Ён адмовіўся адказваць на большасьць пытаньняў паліцыі, спасылаючыся на артыкул 51 Канстытуцыі, які дазваляе ня сьведчыць супраць сябе.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў