У Докшыцах спынілі сьледзтва па справе былога старшыні мясцовага райвыканкаму, які ў лютым 2020 году застрэліў 37-гадовага бізнэсоўца Валера Янчака, піша Tut.by са спасылкай на свае крыніцы.
«Крымінальную справу спынілі па амністыі. Пінчуку вярнулі зброю», – расказалі некалькі жыхароў Докшыц.
Спыненьне сьледзтва пацьвердзіла адна са сваячак загінулага Валера Янчака. Алег Пінчук ад камэнтароў адмовіўся.
Што адбылося?
21 лютага ў Гарадоцкім раёне тады яшчэ старшыня Докшыцкага райвыканкаму Алег Пінчук па неасьцярожнасьці застрэліў 37-гадовага прадпрымальніка, дырэктара будаўнічай кампаніі, уладальніка мясцовых рэстарану і кавярні Валера Янчака.
Сьледчы камітэт пачаў справу за прычыненьне сьмерці па неасьцярожнасьці. Пінчука не затрымлівалі.
19 сакавіка яго прызначылі старшынём Тумілавіцкага сельсавету ў Докшыцкім раёне. У красавіку ён напісаў заяву аб адстаўцы зь дзяржаўнай службы, а цяпер займеў новую пасаду.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў