Насамрэч
Няпраўда.
Гэта чарговы міт, які зьняпраўджвае Сусьветная арганізацыя здароўя (САЗ) на сваёй старонцы «Міты і ілжывыя ўяўленьні».
На сёньня не вядома ніякіх фактаў, якія б
сьведчылі, што хатнія мухі здольныя служыць пераносчыкамі віруснага
ўзбуджальніка COVID-19, — адзначае САЗ. Паводле арганізацыі, вірус, які
выклікае COVID-19, распаўсюджваецца галоўным чынам праз кроплі аэразолю, які
ўтвараецца, калі хворы чалавек кашляе, чхае ці размаўляе. Акрамя таго,
заражэньне магчымае ў выпадку кантакту з забруджанымі паверхнямі, калі
чалавек дакранаецца пасьля гэтага да вачэй, носу ці роту, ня вымыўшы
рук.
Каб зьберагчы сябе ад інфэкцыі, неабходна
захоўваць адлегласьць ня менш за адзін мэтар ад іншых людзей і праводзіць
рэгулярную дэзынфэкцыю паверхняў, да якіх рэгулярна дакранаюцца людзі.
Рэгулярна і старанна мыйце рукі і не дакранайцеся да вачэй, рота і носа, —
раіць Сусьветная арганізацыя здароўя.
Падзяліцеся ў сацыяльных сетках са сваімі сябрамі