За акуратнымі шэрагамі платоў у перапляценьні вулак - пабеленыя хаткі ці някідкія катэджы, што патанаюць у квітнеючых садках ды гародах. У цэнтры гораду - сярэднявечная ратуша з гадзіньнікам; назіраючы гэтыя бадай букалічныя відарысы сучаснага Слоніму, цяжка ўявіць, як напярэдадні Грунвальду ў летнім пыле крочылі закальцаваныя ў жалеза ваяры тутэйшай харугвы. У рамках праекту “Сучасныя грунвальдзкія хронікі” сёньня - падарожжа ў Слонім.