Наша першая і пакуль апошняя сустрэча з гэтым чалавекам адбылася чвэрць стагодзьдзя таму. Тады яны разам з жонкай Жэняй, скончыўшы Акадэмію мастацтваў, зьехалі на малую радзіму Міхаіла Клеафаса Агінскага - Залесьсе - і стварылі лялечны тэатар “Батлейка”, дзе акторамі былі звычайныя вяскоўцы ад 10 да 60 гадоў. Ужо тады міжнароднае прызнаньне на тэатральных фэстах не перашкодзіла мясцовым чыноўнікам ды проста зайздросьнікам стварыць ім невыносныя ўмовы існаваньня, як і зараз, у вёсцы Цішкаўшчына, што на Валожыншчыне. “Але зь недачалавекамі-сабакамі, што хочуць зьнішчыць ды затаптаць навакольле, будзем змагацца жорстка”, - гаворыць Алесь Лось.