Комплекс складаўся зь сямі вітражоў у вокнах другога паверху. У цэнтральным акне была выява “Пагоні”, у вокнах паабапал — выявы гербаў шасьці абласных гарадоў Беларусі. Як вынікае зь ліста, падпісанага опэрупаўнаважаным Рыгорам Шнеевым, вітражы ня мелі мастацкай каштоўнасьці — бо не былі ўключаныя ў адпаведны сьпіс гістарычна-культурных каштоўнасьцяў Рэспублікі Беларусь.
На думку Кастуся Смолікава, вітражны комплекс, створаны на пачатку 1990-х гадоў, быў помнікам беларускага мастацтва найноўшага часу. Аднак напярэдадні апошняй рэканструкцыі вакзалу, якая доўжыцца ўжо паўгоду, вітражы былі “дэмантаваныя з прычыны іх неадпаведнасьці цеплатэхнічным нормам”. Замест іх у вокны будынку ў стылі “сталінскага ампіру” ўставілі цёмныя шклопакеты. Каляровае шкло, зь якога была зроблена “Пагоня” ды іншыя вітражы, папросту выкінулі на сьметнік, а алюмініевыя рамы сьпісалі.
Ніякіх парушэньняў сьледчая група ня ўбачыла, а таму крымінальнай справы за зьнішчэньне міліцыя і пракуратура распачынаць ня сталі.
Адзінае, што цешыць у гэтай сытуацыі, кажа Кастусь Смолікаў, — гэта тое, што ў аўтара вітражоў, 75-гадовага мастака Вікенція Ральцэвіча, захаваліся ўсе распрацоўкі, тэхнічныя падлікі ды эскізы зьнішчанага комплексу з “Пагоняй”. Але ці знойдзецца гарадзкі аб’ект, які можна будзе аздобіць такімі вітражамі, невядома.
На думку Кастуся Смолікава, вітражны комплекс, створаны на пачатку 1990-х гадоў, быў помнікам беларускага мастацтва найноўшага часу. Аднак напярэдадні апошняй рэканструкцыі вакзалу, якая доўжыцца ўжо паўгоду, вітражы былі “дэмантаваныя з прычыны іх неадпаведнасьці цеплатэхнічным нормам”. Замест іх у вокны будынку ў стылі “сталінскага ампіру” ўставілі цёмныя шклопакеты. Каляровае шкло, зь якога была зроблена “Пагоня” ды іншыя вітражы, папросту выкінулі на сьметнік, а алюмініевыя рамы сьпісалі.
Ніякіх парушэньняў сьледчая група ня ўбачыла, а таму крымінальнай справы за зьнішчэньне міліцыя і пракуратура распачынаць ня сталі.
Адзінае, што цешыць у гэтай сытуацыі, кажа Кастусь Смолікаў, — гэта тое, што ў аўтара вітражоў, 75-гадовага мастака Вікенція Ральцэвіча, захаваліся ўсе распрацоўкі, тэхнічныя падлікі ды эскізы зьнішчанага комплексу з “Пагоняй”. Але ці знойдзецца гарадзкі аб’ект, які можна будзе аздобіць такімі вітражамі, невядома.
