Класкоўскі: улады і спэцслужбы пацярпелі фіяска
21.07.2008 13:40
Палітоляг Аляксандар Класкоўскі канстатуе, што беларускія ўлады не ўстрымаліся ад спакусы кінуць цень падазрэньняў у арганізацыі выбуху 4 ліпеня на апазыцыю і - прайгралі.
“У выніку, як мы бачым, актывістаў апазыцыі вымушаныя былі выпусьціць, не прад’явіўшы абвінавачваньняў. І ў гэтай сытуацыі піяраўскі выйгрыш атрымала апазыцыя, якая ўзьняла шум, заяўляла, што нашых схапілі ні за што. Думаю, што для ўлады гэты ўрок, што ў такіх сытуацыях трэба ўстрымлівацца ад спакусы адразу ўсіх сабак вешаць на палітычных апанэнтаў”.
На думку Класкоўскага, у сувязі з выбухам пацярпелі фіяска і праваахоўныя органы ды спэцслужбы Беларусі.
Няма камэнтароў. Дадайце свой і будзьце першы