На волю выйдуць першыя затрыманыя
17.07.2008 15:25
Сёньня на волю выйдуць першыя затрыманыя ў якасьці падазраваных у выбуху пад час сьвяточнага канцэрту 4 ліпеня.
Нагадаем: 6 і 7 ліпеня супрацоўнікі КДБ правялі ператрусы на кватэрах людзей, якія, паводле вэрсіі сьледчых, маглі мець дачыненьне да вырабу бомбы. Пасьля ператрусаў усіх дапыталі і ўзялі пад варту спачатку на трое сутак, а потым працягнулі тэрмін знаходжаньня ў камэрах да 10 сутак.
Сьледчыя не называюць дакладную лічбу затрыманых як падазроных у крымінальнай справе. Вядома, што сярод іх людзі розных сацыяльных слаёў насельніцтва – ад студэнтаў-хімікаў да “недобранадзейных” элемэнтаў.
Няма камэнтароў. Дадайце свой і будзьце першы