Гомель: канфіскавалі 675 перадвыбарчых улётак АДС
20.06.2008 19:01
У Навабеліцкім раёне Гомеля міліцыя затрымала сёньня грамадзкага актывіста, гісторыка Сьвятаслава Шапавалава.
Ён раздаваў улёткі, у якіх тлумачылася пазыцыя аб’яднаных дэмакратычных сілаў рэгіёну да будучых парлямэнцкіх выбараў. Прыводзіліся таксама лічбы яўкі выбарцаў на папярэдніх выбарах — паводле як афіцыйных зьвестак, так і высноваў назіральнікаў.
У пастарунку спадара Шапавалава трымалі тры гадзіны. У яго сканфіскавалі 675 улётак.
Супрацоўнік міліцыі Раманаў склаў на актывіста адміністрацыйны пратакол пра парушэньне артыкула 22.9, п.2 Кодэксу аб адміністрацыйных правапарушэньнях — “распаўсюд пэрыядычных друкаваных выданьняў без выходных зьвестак”.
Сьвятаслава Шапавалава папярэдзілі, каб чакаў позвы ў суд альбо ў райаддзел міліцыі.
Няма камэнтароў. Дадайце свой і будзьце першы