Міхаіла Шавэльзона затрымалі
10.06.2008 15:31
КДБ Беларусі арыштаваў намесьніка старшыні Саюзу прадпрымальнікаў Міхаіла Шавэльзона.
Пра гэта паведамляе літоўскі партал delfi.lt са спасылкай на газэту Lietuvos rytas.
М.Шавэльзона арыштавалі 3 чэрвеня разам з партнэрам па бізнэсу, грамадзянінам Літвы Гінтасам Зегерысам. Г.Зегерыса падазраюць у пасярэдніцтве пры дачы хабару.
Lietuvos rytas паведамляе, што пакуль афіцыйнае абвінавачваньне затрыманым яшчэ ня выстаўлена.
Выданьне цытуе словы амбасадара Літвы ў Беларусі Эдмінаса Багдонаса пра тое, што Г.Зегерыс не зьвяртаўся ў амбасаду па дапамогу.
Амбасада Літвы зьбірае інфармацыю пра затрыманага Гінтаса Зегерыса, паведаміла БелаПАН прэс-аташэ літоўскай дыпмісіі Крыстына Паканітэ.
Яна заявіла, што афіцыйныя зьвесткі пра затрыманьні, якія ў амбасаду павінен накіраваць МЗС Беларусі, пакуль не паступалі. “Але, паводле неафіцыйнай інфармацыі, Гінтас Зегерыс затрыманы і знаходзіцца ў ізалятары КДБ ў Мінску”, — сказала спадарыня Паканітэ.
Няма камэнтароў. Дадайце свой і будзьце першы