У Курапатах запаляць сьвечкі і памоляцца
29.05.2008 12:00
Сёньня а 18 гадзіне ва ўрочышчы Курапаты мае адбыцца акцыя ўшанаваньня памяці ахвяраў сталінскіх рэпрэсіяў. Людзі запаляць сьвечкі і прачытаюць малітву.
Такія акцыі адбываюцца ў 29-ты дзень кожнага месяца, пачынаючы ад студзеня 2007 году.
Пачалі гэтыя акцыі сябры Грамадзкай ініцыятывы дзеля ўшанаваньня памяці ахвяраў палітычных рэпрэсій, цяпер актывісты мэмарыяльнай сэкцыі Беларускага таварыства аховы помнікаў гісторыі і культуры.
Традыцыйна актывісты ўскладаюць кветкі на месцах масавых расстрэлаў людзей -- у парку Чалюскінцаў, у Лошыцы, ва ўрочышчы Курапаты. Сёньняшняя акцыя прымеркаваная да 20-ай гадавіны адкрыцьця праўды пра расстрэлы ў Курапатах.
Няма камэнтароў. Дадайце свой і будзьце першы