Акцыя “Горад наш” адбылася амаль у 20 гарадах
14.05.2008 14:47
Актывісты незарэгістраванай арганізацыі “Малады фронт” у абласных цэнтрах і некаторых іншых гарадах Беларусі вывесілі бел-чырвона-белыя сьцягі.
Акцыю “Горад наш” правялі адмыслова ў гадавіну рэфэрэндуму 1995 году. Лідэр арганізацыі Зьміцер Дашкевіч паведаміў “Свабодзе”, што ад сёньняшняга дня стартуе двухмесячны маратон па гарадах і мястэчках краіны.
Цягам двух месяцаў маладафронтаўцы будуць распаўсюджваць налепкі і інфармацыйныя буклеты пра гісторыю нацыянальнага сьцяга і герба “Пагоня”.
Маладафронтаўцы будуць ладзіць таксама віктарыны пра гісторыю нацыянальных сымбаляў сярод моладзі.
Няма камэнтароў. Дадайце свой і будзьце першы