Зьмяніць памер шрыфту
| Выдрукаваць
23.05.2008
Што атрымае Расея ў абмен за танны газ?
аўтар Радыё Свабода
Расея магла б захаваць нізкія цэны на газ для Беларусі і выдаць ёй нізкапрацэнтныя пазыкі, калі Беларусь згодзіцца прадаць больш акцыяў сваіх прадпрыемстваў расейскім інвэстарам.
Пра гэта паведаміла агенцтву Ройтэрз неназваная крыніца ў расейскіх урадавых колах.
За беларуска-расейскімі перамовамі аб цане на газ пільна назіраюць у Эўропе, якая чвэрць свайго газу атрымлівае з Расеі. Дваццаць працэнтаў расейскіх газавых паставак транспартуюцца празь Беларусь, і беларуска-расейскія газавыя войны часам прыводзілі да перабояў у пастаўках.
Мяркуецца, што гэтая тэма будзе абмяркоўвацца падчас візыту расейскага прэм'ера Ўладзімера Пуціна ў Менск, дзе адбываецца сустрэча прэм'ер-міністраў краінаў СНД.
Радыё Свабода © 2008 РС | Усе правы захаваныя.