Лінкі ўнівэрсальнага доступу

У Курапатах зьнесьлі мэталічныя крыжы, што стаялі ўздоўж МКАД. ФОТА

абноўлена

На месцы крыжоў высаджваюць дрэвы
На месцы крыжоў высаджваюць дрэвы

У Курапатах зьнесьлі ўсе мэталічныя крыжы, што стаялі ўздоўж Менскай кальцавой дарогі.

Так выглядалі прыдарожныя крыжы да пачатку зносу, 5 красавіка 2019
Так выглядалі прыдарожныя крыжы да пачатку зносу, 5 красавіка 2019

«Да гэтага лясгас ня мае ніякага дачыненьня. Нават ня ведаю, што там нешта зьнікла, зараз паеду адмыслова пагляджу. За агароджай – гэта ўжо ня наша тэрыторыя, мы на ёй нічога не рабілі», — пракамэнтаваў зьнікненьне мэталічных крыжоў дырэктар Бараўлянскага спэцлясгасу Аляксандар Мірановіч.

Паласа зямлі між кальцавой і Курапатамі, дзе стаялі мэталічныя крыжы, належыць дарожнай службе.

Цяпер на месцы мэталічных крыжоў з боку кальцавой, уздоуж Курапатаў, высаджвацю дрэвы. Там працуе больш за 10 чалавек. Працаўнікі не кажуць, зь якой яны арганізацыі і сьцьвярджаюць, што калі пачалі сваю працу, пасьля 11.00, мэталічных крыжоў ужо не было. Адзін з рабочых усё ж сказаў, што яны з арганізацыі «Менскбудмантаж», якая абслугоувае пуцепровады і падземныя пераходы на кальцавой.

З боку кальцавой, каля агароджы, засталося толькі 3 мэталічных крыжа, яны знаходзяцца на курапацкай тэрыторыі, унутры масіву. З боку Заслаўскай дарогі усе мэталічныя крыжы засталіся, але яны таксама ўнутры, на тэрыторыі Курапатаў, відаць, таму іх не чапалі.

На плот пачапілі вазоны з хваёвымі галінкамі
На плот пачапілі вазоны з хваёвымі галінкамі

Паводле актывіста Зьмітра Казакевіча, крыжы стаялі яшчэ раніцай 13 красавіка. «Абыходзіў Курапаты пасьля 8-й раніцы — нічога не заўважыў падазронага».

Звонку засталіся толькі 4 драўляныя крыжы з усходняга боку. Каля іх стаяў аўтамабіль рабочых, які імкліва зьехаў
Звонку засталіся толькі 4 драўляныя крыжы з усходняга боку. Каля іх стаяў аўтамабіль рабочых, які імкліва зьехаў

Паводле дзяржаўнага агенцтва БелТА, сёньня ў Курапатах прайшоў суботнік «па прыбіраньні і добраўпарадкаваньні».

«Гэта нашая традыцыйная акцыя перад Вялікаднем і Радуніцай», — сказаў старшыня Менскага абласнога абʼяднаньня прафсаюзаў Віктар Маліноўскі.

Карэспандэнт Свабоды даведаўся поўны сьпіс арганізацый, прадстаўнікі якіх удзельнічалі ў суботніку.

  • Менская абласная арганізацыя Беларускага рэспубліканскага саюзу моладзі
  • Фэдэрацыя прафсаюзаў Беларусі
  • Менскі водаканал
  • «Белая Русь»
  • Чырвоны Крыж
  • Фонд Міру

Паводле дырэктара Бараўлянскага лясгасу Аляксандра Мірановіча, на суботніку працавалі каля 150 чалавек.

На ўваходах у Курапаты ўсталёўваюць мэталічныя брамкі
На ўваходах у Курапаты ўсталёўваюць мэталічныя брамкі

Знос крыжоў уздоўж МКАД у Курапатах пачаўся 4 красавіка. Тады ​зьнесьлі 70 крыжоў і паставілі плот вакол урочышча.

Прэс-сакратарка кіраўніка Беларусі Натальля Эйсмант патлумачыла тады працы ў Курапатах распараджэньнем Аляксандра Лукашэнкі.​

Дырэктар Бараўлянскага спэцлясгасу Аляксандар Мірановіч сёньня пацьвердзіў Свабодзе, што гатовы вярнуць зьнесеныя драўляныя крыжы ўласьнікам, калі яны пацьвердзяць дакумэнтамі.

«Больш за тое, яны змогуць іх усталяваць у Курапатах зноў, у лесе — але калі зьвернуцца ў мінкультуры і ўсё зацьвердзяць. Але не такія высокія, па 6 мэтраў, якія могуць на галовы людзям пападаць і забіць, а меньшай вышыні, як дагэтуль усталёўвалі. Вось такія, да двух мэтраў вышыні — гэта мне зразумела, што сымбаль магілы, а вялікія тут ня трэба», — сказаў Аляксандар Мірановіч.

Сталінскія рэпрэсіі ў Беларусі

У Беларусі масавыя рэпрэсіі пачаліся яшчэ з прыходам да ўлады бальшавікоў — у 1917 годзе. А скончыліся, калі памёр Сталін — у 1953-м. Дасьледчыкі мяркуюць, што пад іх падпалі як мінімум 600 тысяч чалавек. Паводле іншых ацэнак гэтая лічба дасягае 1,4 мільёна. Але дакладныя лічбы не вядомыя — КДБ дагэтуль не раскрыла архівы. Беларусы лічацца трэцімі паводле колькасьці ахвяраў рэпрэсіяў у сталінскія часы.

Сталінскія рэпрэсіі ў Беларусі — асноўнае, што трэба ведаць
пачакайце

No media source currently available

0:00 0:02:38 0:00

Чаму беларускі рэжым не прызнае сталінскія рэпрэсіі

Асноўнае пра Курапаты

Расстраляныя літаратары. Гісторыя 12 творцаў, забітых 80 год таму

Як унукі і праўнукі шукаюць зьвесткі пра рэпрэсаваных сваякоў

«Баюся ўлады, якая пачне забіваць». Стогадовая беларуска, асуджаная ў СССР за шпіянаж, распавядае пра рэпрэсіі

Картатэка Сталіна

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG