8 траўня адбудзецца другі тур прэзыдэнцкіх выбараў і парлямэнцкія выбары, піша AFP.
Прэзыдэнт Стэва Пэндараўскі з кіроўнай левацэнтрысцкай Сацыял-дэмакратычнай партыі (СДСМ) знаходзіцца пад пагрозай паразы. Яго суперніца — Гордана Сілянаўска-Даўкава, якую падтрымлівае правая ВМРО-ДПМНЕ. Выбары адбываюцца на фоне двухгадовага супрацьстаяньня паміж урадам і апазыцыяй наконт таго, як размаўляць з суседняй Баўгарыяй, якая блякуе шлях дзяржавы да сяброўства ў ЭЗ.
Адносіны з Баўгарыяй цягам многіх гадоў былі напружанымі з прычыны спрэчак аб мовах і гісторыі дзьвюх краін. Сафія адмовілася падтрымаць пачатак перамоваў паміж Скоп’ем і ЭЗ аб далучэньні да таго часу, пакуль Паўночная Македонія не прызнае сваю маленечкую баўгарскую меншасьць у Канстытуцыі. Пэндароўскі і СДСМ гатовыя ўнесьці папраўкі, але не хапае колькасьці мандатаў.
Апазыцыйная партыя ВМРО-ДПМНЕ заяўляе, што канстытуцыйныя зьмены могуць адбыцца толькі пасьля ўступленьня Паўночнай Македоніі ў ЭЗ.
Паводле зьвестак Дзяржаўнага выбарчага камітэту, да 18:30 на 94% выбарчых участкаў яўка склала больш за 48%, што на сем пунктаў вышэй, чым у першым туры прэзыдэнцкіх выбараў у 2019 годзе.
Каля 1,8 мільёна чалавек, у тым ліку вялікая дыяспара, мелі права прагаласаваць, у той час як больш за 800 тысяч аддалі свае галасы на 3480 выбарчых участках па ўсёй краіне.
Партыі, якія прадстаўляюць кандыдаты ў прэзыдэнты, — даўнія палітычныя супернікі. Сілянаўска-Даўкава і ВМРО-ДПМНЕ заявілі, што Паўночная Македонія, якая афіцыйна зьмяніла назву з Македоніі ў 2018 годзе, каб урэгуляваць асобную даўнюю спрэчку з Грэцыяй, ня будзе падштурхоўваць пытаньне канстытуцыйных зьменаў.
«Толькі адзінства можа падштурхнуць нас наперад… і прымусіць нас адчуваць сябе ганарлівымі», — сказала прафэсар права на пэнсіі і былая дэпутатка парлямэнту.
Апытаньні грамадзкай думкі паказваюць, што Пэндароўскі ідзе да паразы. Сілянаўска-Даўкава вядзе ў апытаньнях з 26% падтрымкі, за ёй ідзе Пэндараўскі з 16%. Падтрымка астатніх пяці кандыдатаў можа быць важнай для другога туру.
У гэтую пяцёрку ўваходзяць міністар замежных спраў Буяр Асмані, якога падтрымлівае партыя этнічных альбанцаў ДУІ — партнэр па кіроўнай кааліцыі, і Арбэн Таравары з апазыцыйнай кааліцыі этнічных альбанцаў. Альбанцы складаюць больш за чвэрць 1,8-мільённага насельніцтва краіны.
Форум